J.M. Vila Mao achéganos estas novas de Bádminton:
Bo papel dos xogadores galegos no Circuito Nacional de Fuenlabrada, onde Galicia logrou tres títulos e dous subcampionatos. Os títulos galegos foron en dobres mixtos sub-15 para a parella Andrea Gutiérrez/Javier González (Club del Mar/CB Los Sauces) que derrotaron na final a Silvia Redondo/Sergio Rodríguez (CB Fénix Mocejón) por 21-15 e 21-16. Os outros dous títulos consiguíronse na categoría Sub-17, onde as xogadoras do CB As Neves impuxeron o seu dominio. Andrea Fernández logrou o título en individual feminino ao impoñerse na final a Ana Peñas (CB Gredos) por 21-11 e 21-14 mentras que Andrea xunto con Ángela Soto se impuñan na final de dobres feminino ás súas compañeiras de club Nerea Alvés/Leticia Rodríguez por 21-16 e 21-17. O outro subcampionato acadábase en dobres feminino sub-15 pola parella do CB A Estrada Ana Reino/Nerea Gestoso.